Қарыз ақша өндірілді

Қазалы аудандық сотында талап қоюшы Ж.-ның жауапкер Ж.-дан қарыз сомасын өндіру туралы азаматтық ісі қаралды.

Іс құжаттарына сәйкес, жауапкер Ж. 2015 жылдың 22 қыркүйегінде талап қоюшы Ж-дан желтоқсан айының аяғына дейін қайтаратын болып, 90 000 теңге қарызға ақша алған. Бірақ, талап қоюшының бірнеше мәрте сұрағанына қарамастан, жауапкер қарыз ақшасын қайтармаған.

Сот жауапкерге талап арызға өз пікірін жазбаша түрінде білдіру үшін уақыт берді. Көрсетілген уақыт ішінде жауапкерлерден пікір түспеді.

Қазақстан Республикасы АПК-нің 146-бабының 5-тармағына сәйкес оңайлатылған (жазбаша) іс-жүргізу тәртібінде сотпен көрсетілген мерзім ішінде пікірді ұсыну үшін мерзім өткен соң, тараптардың шақырылуысыз іс қаралады.

ҚР АК-нің 272- бабына сай, мiндеттеме - мiндеттеме шарттары мен заң талаптарына сәйкес тиiсiнше орындалуға тиiс, ал мұндай шарттар мен талаптар болмаған жағдайда - iскерлiк қызмет өрiсiндегi әдеттегi құқықтарға немесе әдетте қойылатын өзге де талаптарға сәйкес орындалуға тиiс.

Сот шешімімен талап толықтай қанағаттандырылды