«Nur Otan» партиясы аудандық филиалының кезекті XХХII конференциясы өтті
Бүгін «Nur Otan» партиясы Қазалы аудандық филиалының кезекті XХХII есеп-беру сайлау конференциясы болып өтті. Пандемия жағдайына байланысты онлайн форматта өткен конференция жұмысына облыстық, аудандық мәслихат депутаттары, Саяси кеңесінің мүшелері, бастауыш партия ұйымдарының төрағалары және бұқаралық ақпарат құралдарыныӊ өкілдері қатысты.«Nur Otan» партиясы Қазалы аудандық филиалының төрағасы Мұрат Нәлхожаұлының төрағалығымен өткен конференция жұмысына келесі мәселелер қойылды:
1. «Nur Otan» партиясы Қазалы аудандық филиалының Саяси кеңесінің 2019-2020 жылдары атқарған жұмыстары туралы есебі;
2. «Nur Otan» партиясы Қазалы аудандық филиалы Саяси кеңесі мүшелерінің құрамын қайта сайлау;
3. «Nur Otan» партиясы Қызылорда облыстық филиалының кезекті XXVIII (28-ші) есеп беру-сайлау конференциясына делегаттар сайлау.
«Nur Otan» партиясы Қазалы аудандық филиалы төрағасының бірінші орынбасары Жалғасбаев Нұрғиса Жаппарбергенұлы күн тәртібіндегі бірінші мәселе бойынша аудандық партия филиалы Саяси кеңесінің 2019 - 2020 жылдары атқарылған жұмыстарына толығымен тоқталып, партия филиалының алдағы міндеттерімен бөлісті.
Конференцияның күн тәртібіндегі екінші, үшінші мәселелер бойынша Саяси кеңес мүшелерінің құрамы қайта сайланып, Қызылорда облыстық филиалының кезекті XXVIII (28-ші) есеп беру-сайлау конференциясына делегаттар сайланды. Күн тәртібіндегі мәселелер бойынша қаулылар қабылданды.
"Қазалы" ақпарат
