Саяси кеңесі бюросының отырысы болып өтті

"Нұр Отан" партиясы Қазалы аудандық филиалының мәжіліс залында «Нұр Отан» партиясы Қазалы аудандық филиалы Саяси кеңесі Бюросы отырысы болып өтті. Бюро отырысын «Нұр Отан» партиясы Қазалы аудандық филиалы төрағасының бірінші орынбасары Мәмбетжан Қасқырбек Өмірзақұлы ашып, жүргізіп отырды. «Нұр Отан» партиясы Қазалы аудандық филиалы Саяси кеңесі Бюросының отырысына 5 бюро мүшелері қатысып, 2 бюро мүшесі белгілі себептермен қатыса алмады. Сондай-ақ Саяси кеңесі Бюросы отырысна аудандық партия филиалының жауапты қызметктерлерімен БАҚ өкілдері қатысты. Саяси кеңес Бюросының отырысына қаралатын мәселелер ұсынылып, қаралатын мәселелер мен отырыстың жұмыс регламенті Бюро мүшелеріне таратылып беріліп, Бюро отырысының күн тәртібі мен жұмыс регламенті бекітілді. Күн тәртібіндегі бірінші мәселе бойынша «Нұр Отан» партиясы аудандық филиалы жанындағы сыбайлас жемқорлыққа қарсы іс-қимыл жөніндегі қоғамдық кеңестің 2017 жылы атқарған жұмыстарының есебі жөнінде кеңес төрағасы Тілеп Ібайдулла Тілепұлы, күн тәртібіндегі екінші мәселе бойынша сөз, «Нұр Отан» партиясы аудандық филиалы жанындағы партиялық бақылау комиссиясының 2017 жылы атқарған жұмыстарының есебі жөнінде аудандық партия филиалының саяси жұмыстар бөлімінің кеңесшісі Иманалиева Гүлдәрі Тасболатқызы хабарлама жасады. Сондай-ақ Саяси кеңесі Бюросы отырысында аудандық мәслихаттағы партия фракциясы мүшелерінің және аудандық мәслихат хатшысының аудан тұрғындарын аудандық партия филиалында 2018 жылғы қабылдау кестесін бекіту, «Нұр Отан» партиясы жанындағы сыбайлас жемқорлыққа қарсы қоғамдық кеңестің 2018 жылға арналған жұмыс жоспарын бекіту, «Нұр Отан» партиясы жанындағы партиялық бақылау комиссиясының 2018 жылға арналған жұмыс жоспарын бекіту,Аудандық партия филиалы жанынан құрылған «Сарапшы топ» отырысының құрамын бекіту, Қазалы аудандық мәслихаттағы «Нұр Отан» партиясының депутаттық фракциясының 2018 жылға арналған жұмыс жоспарын келісу мәселелері қаралды. Күн тәртібіне қойылған мәселелер толық қаралып, қаулылар қабылданды.