Қазалы аудандық сотында электрондық форматтағы қылмыстық іс қаралды

Қазалы аудандық сотында Қазақстан Республикасының ҚК-нің 296-бабының 2-бөлігімен сотталушы К.-ға қатысты қылмыстық іс қылмыстық процестік заңнамаға енгізілген жаңашылдыққа сәйкес электрондық нысанда қаралды.

Сотпен анықталғандай, Қазалы аудандық ІІБ-ның қызметкерлерімен жедел-профилактикалық іс-шаралар өткізу кезінде күдікті К. ұсталып, куәгерлердің қатысуымен жеке тінту барысында, оның курткасының оң қалтасынан, салмағы 2,5 грамм есірткі зат – марихуана табылған.

Басты сот талқылауында сотталушы К. тағылған айып бойынша кінәсін толығымен мойындады.

Сот үкімімен сотталушы К. Қазақстан Республикасының ҚК-нің 296 -бабының 2- бөлігінде көзделген қылмысты жасауда кінәлі деп танылып, оған осы бап бойынша 120 сағат қоғамдық жұмысқа тарту жазасы тағайындалды.

Үкім заңды күшіне енген жоқ.