Заңсыз ойын бизнесiн ұйымдастырған

Қазалы аудандық сотында Қазақстан Республикасының ҚК-нің 307- бабының 1-бөлігімен айыпталған сотталушы Ж.-ға қатысты қылмыстық іс қаралды.

Іс бойынша сотталушы Ж., жекеменшік үйдің бөлмесін жалға алып, ойын мекемесін заңсыз ашып, ойын бизнесі саласындағы қызметті заңсыз ұйымдастырған.

Басты сот талқылауында сотталушы Ж. өзіне тағылған айып бойынша кінәсін толығымен мойындады.

Сот үкімімен Ж. Қазақстан Республикасының ҚК-нің 307-бабының 1-бөлігінде көзделген қылмысты жасауда кінәлі деп танылып, оған осы бап бойынша мүлкін тәркілеу арқылы, 500 айлық есептiк көрсеткiш мөлшерде, яғни 1 134 500 теңге айыппұл салынды.

Сонымен қатар, сотталған Ж. ҚР ҚК-нің 41-бабына сәйкес қылмыс жасағаны үшін тағайындалған айыппұлды төлеуден жалтарған жағдайда, ол төрт айлық есептiк көрсеткiш үшін бас бостандығынан айырудың бір күні есебімен бас бостандығынан айыруға ауыстырылатыны туралы түсіндірді.