Бұйрықтық іс жүргізу тәртібімен қылмыстық іс қаралды

Қазалы аудандық сотында бұйрықтық іс жүргізу тәртібімен Қазақстан Республикасының ҚК-нің 296-бабының 2-бөлігімен қылмыстық теріс қылық жасағаны үшін сотталушы Е.-ге қатысты қылмыстық іс қаралды.

Қылмыстық істі сот отырысын өткізбей сот төрағасы Дидар Мұратбекұлы жеке-дара қарады.

Сотталушы Е. сотқа қылмыстық істі бұйрықпен іс жүргізу тәртібімен қарауға өтінішхатын берген.

Сот үкімімен сотталушы Е. кептірілген марихуана-есірткі затын өткізу мақсатынсыз заңсыз сақтағаны үшін кінәлі деп танылып, оған 72 150 теңге айыппұл жазасы тағайындалды.