Есірткісіз өмір ғажайып
Есірткі адамның жүйке жүйесіне әсер етіп, рухани және физикалық тепе теңдікті бұзады. Негізі өмір есірткісіз де ғажап. Бірақ адамдар мұны түсінбейді. Өз өміріңді қор қылмай, саулықта және керемет қып өткізген дұрыс. Қазір нашақорлық заманның дауасыз дерті. Жастар арасында есірткі қолдану тез белең алуда. Әлемді жайлаған нашақорлық дерті тамырын тереңге жайып келеді. Бұл қоғамды жайлаған қауіпті індет.Жастар ел тірегі, ұлт болашағы. Сондықтан салауатты өмір салтын ұстанып, есірткіге тәуелді болмайық. Есірткісіз өмір ғажайып. Бұл дерттің алдын алу жайлы қаншама айтылып, көрсетіліп жүрсе де, тағдырын ойрандатқандар азаймай тұр. Сондықтан ел болып күресуге міндеттіміз. Келешек жарқын болсын десек, мұндай зиянды әрекеттерге бармайық. Бақытты да, табысты күн кешіп, нашақорлыққа жол бермейік.
АЯКӨЗ СҰЛТАНАЙ,
№94 орта мектеп оқушысы
Жанқожа батыр ауылы
