Тазалық жайы тиянақталды
Күзгі санитарлық тазалық айлығына байланысты қазалылықтар жаппай сенбілікке шықты.Сенбілік кезінде аудан орталығы – Әйтеке би кентіндегі Жанқожа батыр, Әйтеке би, В.Счастнов, М.Шоқай, С.Сейфуллин, Қ.Сәтбаев көшелері мен аудан әкімдігі ғимаратының алды, Әйтеке би кенті мен Қазалы қаласының аралығы («Ақарық» каналынан бастап аудандық жұқпалы аурулар бөліміне дейін) тазаланып, 850 шаршы метр тұрмыстық қатты қалдық арнайы белгіленген орынға шығарылды. Бұл көшелердегі аяқсу арықтары да тазартылды.
Дәл осындай жұмыстар Қазалы қаласы мен ауылдық округтерде де ұйымдастырылып, оған ауыл тұрғындары белсене қатысты.
Қазіргі таңда әлемді әбіргерге салған аты жаман аурудың алдын алу үшін аулада, көшелерде санитарлық тазалық жұмыстарын жүргізу өте маңызды. Осыны ескеріп, біз аудан тұрғындарынан аула мен көшелерді таза ұстауға шақырамыз.
«ҚАЗАЛЫ» ақпарат
