Күрделі жөндеуге кеткен шығынды өндіру туралы дау медиация арқылы шешілді

Қазалы аудандық соты «Сұлутам» ПИК-нің азаматша А.-дан кондоминиум объектілеріне күрделі жөндеу жүргізгені үшін берешекті өндіріп алу туралы талап арызы бойынша азаматтық іс қарады.

Сотпен анықталғандай, көппәтерлі тұрғын үй нысанын жөндеуден өткізу туралы шешім жалпы меншік иелерінің қатысуымен қабылданған. Аталған бағдарламаға сай жауапкер тұрып жатырған үйге күрделі жөндеу жүргізіліп, үй мемлекеттік комиссиямен күрделі жөндеуден кейін пайдалануға қабылдаған. Жауапкердің берешегі 256 946 теңге құраған.

Істі қарау барысында тараптар кәсіпқой емес медиатордың қатысуымен, Қазақстан Республикасының «Медиация туралы» Заңына сай келісім жасап, дауды (дау-шарды) реттеу туралы» жасалған келісімді сотқа ұсынды.

Сот ұйғарымымен медиативтік келісім бекітілді. Күрделі жөндеу жүргізгені үшін берешекті өндіріп алу туралы азаматтық іс өндірістен тоқтатылды.

Соттың ұйғарымы заңды күшіне енген жоқ.