Қызылорда облысында COVID-19 вирусының 2-ші жағдайы тіркелді
Қызылорда облысында COVID-19 вирусының 2-ші жағдайы тіркелді. Қазіргі уақытта науқаспен қарым-қатынаста болған өзге адамдар анықталып жатыр. Бұл туралы Өңірлік коммуникациялар қызметінің ақпарат алаңында Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Әлия Әбдіқайымова мәлімдеді.«Қазіргі таңда, 1А категориясы елдерінен келген 32 адам карантиндік бақылауда. Оның ішінде, 9-ы стационарда, 23-і үй жағдайында. Бұған қоса, 1Б елдерінен келген 94 адам карантиндік бақылауда. Оның 12-і стационарда, 82 үй жағдайында. Мамандандырылған 2 эпидбригада ошақтары жұмыс жасауда" ,-деді Әлия Мүтәліпқызы.
«1997 жылы туылған Қызылорда қаласының "Ақмешіт" шағын ауданы тұрғыны, "Сенім" емханасының медбикесінен COVID-19 вирусы нақтыланды. Медбике кеше анықталған науқасқа ем-шара жасап, бақылағандығын ескеру керек. Науқастың қазіргі жағдай қанағаттанарлық, ыстығы жоқ, тыныс алу жолдары қалыпты, жөтелмейді»,-деді Жақсылық Абдусаметов.
"ҚАЗАЛЫ" ақпарат
