Қырағылық қылмыстың жолын кеседі
Аудан әкімдігі жанындағы құқық бұзушылық профилактикасы жөніндегі ведомствоаралық комиссияның отырысы өтті.Комиссия отырысын аудан әкімі Мұрат Ергешбаев ашып, жүргізді.
– Мемлекет басшысының 2019 жылғы 2 қыркүйектегі Қазақстан халқына Жолдауында полицияның мемлекеттік күштік құрылымындағы бейнесі бірте-бірте өзгеріп, қауіпсіздікті қамтамасыз ету үшін азаматтарға қызмет көрсететін органға айналатындығын атап өтті.
Біз өз кезегінде ауданымызда қоғамдық тәртіпті қамтамасыз етіп, аталған міндеттердің жүзеге асырылуына белсенділік танытуымыз керек. Сол кезде ғана, қоғам тарапынан білдірілген сенім деңгейі және халықтың өзін қауіпсіз сезінуі арта түсетіні сөзсіз, – деді аудан басшысы.
Күн тәртібіндегі негізгі мәселе бойынша аудандық полиция бөлімінің бастығы Сәбитбек Арынов баяндап, 2019 жылдың қорытындысымен өсім алған қылмыстар туралы айтты.
Сондай-ақ қылмыстық құқық бұзушылық жасауға ықпал еткен себептер мен жағдайларды жою туралы ұсынысын жеткізіп, пада ұйымдастыруды енгізуді сұрап, осы бағыттағы жұмыстарға да тоқталды.
Ж.СОВЕТҰЛЫ
