Құрылыс қарқыны артпақ
Бәрімізге белгілі, соңғы жылдары Сыр елі құрылысы қарқын алған аймақ саналады. Соның ішінде – Қазалы ауданында мемлекет қолдауымен біршама жұмыс жүргізіліп жатыр.Статистикалық есептерге сәйкес, 2017 жылы негізгі капиталға 11,1 млрд. теңге көлемінде инвестиция тартылды. Бұл алдыңғы жылдың осы кезеңімен салыстырғанда 3 есеге артық. Оған дәлел, кешегі жылы Бірлік, Лахалы, Майдакөл, Шилі, Шәкен елді мекендерінен 5 мектеп , Жалаңтөс батыр ауылынан ауылдық клуб пайдалануға берілді. Сонымен қатар, биыл Әйтеке би кентіндегі 150 орындық орталық аудандық аурухана және сот ғимараты іске қосылса, жыл соңына дейін 5-квартал аймағынан 300 орындық мектеп пен Жанқожа батыр ауылынан спорт кешенінің құрылысы аяқталады.
