Қазалы ауданында бүгін Тәуелсіздік күні мерекесі қарсаңында 3 мектепте шағын орталықтар ашылып, пайдалануға берілді. Ашылу салтанатына қатысқан аудан әкімінің орынбасары Әлімжан Жарылқағанов ауыл тұрғындарын қуаныштарымен құттықтап, балаларға сыйлықтар табыс етті. 

Майдакөл ауылындағы №98, Бірлік ауылындағы №102, Лахалы ауылындағы №93 мектептер жанындағы орталықтарда мектеп жасына дейінгі 3-5 жас аралығындағы бүлдіршіндер тәрбиеленеді. Олар үшін мұнда барлық жағдай жасалынған. 

Айта кетейік, жыл соңына дейін Шәкен, Шилі ауылдарындағы тағы 20 орындық 2 шағын орталық іске қосылады.