300 орындық трибуна салынды

Өткен жылы облыстық бюджеттен бөлінген 45 млн. теңгеге Қазалы қаласынан жүгіру жолы бар футбол алаңы мен 300 орындық трибуна құрылысы салынды. Жанқожа батыр ауылынан спорт кешенінің құрылысы жүріп жатыр. Осы және басқа да мәліметтер жайлы Қазалы ауданының тұрғындары алдындағы қорытынды есебінде аудан басшысы М.Ергешбаев баяндады.

Ал биылға спорт саласында жоспарланған жұмыстарды атқару үшінбюджеттен 69 млн. теңге бөлінді.

Сонымен қатар, Ақсуат ауылы мен Қазалы қаласынан спорт алаңын салуға 13,6 млн. теңге, Әйтеке би кентінен 2 спорт алаңы құрылысының жоба-сметалық құжаттарын әзірлеуге 4,4 млн. теңге қаралып отыр екен.

Бұдан бөлек, аудан орталығындағы «Жалаңтөс баһадүр» стадионын қайта жаңғырту үшін (113,2 млн. теңге) жобасын әзірлеп, қаржыландыруға ұсынылды.