Ұсақ бұзақылық жасағаны үшін әкімшілік қамаққа алынды

Қазалы аудандық соты ҚР ӘҚБтК-нің 434-бабының 1-бөлігімен ұсақ бұзақылық жасағаны үшін азамат К.-ге қатысты әкімшілік құқық бұзушылық туралы іс қарады.

Іс құжаттарына сәйкес, азамат К. Әйтеке би кенті, Әйтеке би көшесінің бойында темекі тұқылын тастап, ортақ пайдалану орындарын ластап, айналасындағыларға сыйламаушылық бiлдiріп, қоғамдық тәртiптi бұзған.

Сот мән-жайларды таразылай келіп, құқық бұзушының жеке басына назар аударып, оның қасақана құқық бұзушылық жасағанын ескеріп, оған заңның санкциясында көзделгендей әкімшілік қамаққа алу шарасын қолданған қажет деп есептеп, құқық бұзушы К.-ны ҚР ӘҚБтК-нің 434- бабының 1-бөлігімен 1 тәулікке қамаққа алу туралы әкімшілік жазаға тартты.

Сот қаулысы заңды күшіне енген жоқ.