Көрінеу жалған мемлекеттік тіркеу нөмер белгісін тағып, автокөлік басқарған
Қазалы аудандық сотында К.-ға қатысты әкімшілік іс қаралды.Құқық бұзушы К. “Mersedes Benz” маркалы автокөлігіне көрінеу жалған мемлекеттік тіркеу нөмірін тағып, көлік құралын Әйтеке би кенті, Бөріқұлақов көшесі бойында басқарып, ҚР ӘҚБтК-нің 590-бабының 4-бөлігінде көзделген әкімшілік құқық бұзушылықты жасаған.
Сот отырысында К.-ның әкімшілік құқық бұзушылық жасағандығы, әкімшілік құқық бұзушылық туралы хаттамамен, түсініктермен және де іс құжаттарындағы басқа да материалдармен толықтай дәлелін тапты.
Сот қаулысымен құқық бұзушы К. ҚР ӘҚБтК-нің 590-бабының 4-бөлігімен кінәлі деп танылып, 20 айлық есептік көрсеткіш мөлшерінде 48100 теңге айыппұл салынды.
Қазалы аудандық сотының баспасөз қызметі
