2017 жылы ұлттық компаниялар мен мемлекеттік мекемелер 6 млрд теңгегеден көп ақшаға Қазақстанда құрастырылған авто сатып алды. Бұл туралы «ҚазАвтоПром» одағының төрағасы Олег Алферов айтты, деп хабарлайды Baq.kz ақпарат агенттігі.

Мұнымен қатар, ол ұлттық компаниялардың шетелден 7,5 есе көп көлік сатып алып отырғанына назар аударды.

«Мұндай тенденция тендерде отандық өнімдерге қатысты жеңілдіктер азайғандықтан байқалып отыр. Қазақстанда құрастырылғандардың сапасы шетелдік көліктермен бірдей әрі бағасы да арзан. Бұл фактіге осы уақытқа дейін бірнеше рет назар аударылған болатын. Мұнымен қатар, біз Қаржы министрлігіне заң жобасын жібердік. Аталған заңда қазақстандық өнімге тиесілі жеңілдіктер мен шенеуніктердің категориясына сай көліктерді сатып алуға қатысты ұсыныстар жазылған», – дейді Алферов.

Мемлекеттік сатып алу тақырыбын жапқан Алферов 2017 жылдың қорытындыларына көшті. 2016 жылмен салыстырғанда автобизнес саласынан түскен салық мөлшерінің 2,4 есе өскені анықталды. Айтуынша, сауда-саттық және көлік өндірумен айналысып жүрген қазақстандық кәсіпорындардың арқасында бюджетке 44,5 млрд теңге көлемінде ақша түскен.

ЖІӨ өз кезегінде 39% өсіп, 149,8 теңгеге жетті.