Рождество мерекесі қарсаңында вокзалда 200 үйсіз адамға дастархан жайылып, темір жол ордасы нағыз асханаға айналды. Оқиға Ұлыбританияның Бермингем аймағында болды.

Бұл туралы Stan.kz Daily Mail басылымына сілтеме жасап хабарлайды.

Банкет станцияда дөңгелек үстел басында ұйымдастырылды. Дастарханға үш бірдей ыстық тағам қойылды.

Іс-шарада әнші Кэрол, ди-джей мен Санта-Клаус өнер көрсетті.

Шараны ұйымдастырған қордың атқарушы директоры Рандхир Сингх: “Қор аптасына жеті кеш ұйымдастырады, тек Бермингемде емес, барлық Ұлыбритания аумағында”, – дейді.

“Біздің басты мақсатымыз адамзатқа қызмет ету, өмірде жолы азырақ болған адамдарға киім, тамақ, сондай-ақ үміт сыйлау”, – деп жалғады сөзін ол.

Кешкі асқа қатысқан үйсіздердің бірі 41 жастағы Луиза Галл бұл кештен ерекше әсер алғанын айтады.

“Мен көшеде тұрамын. Егер де бүгін мұнда келмесек, мен рождествоны сезінбейтін едім. Мен тек көшеде қайыр сұрап, тамақ жей аламын. Мысалы, кеше мен велосипед станциясында түнедім. Өте суық болды. Бұлардың үйсіздерге арнап жасаған жақсылығы таңғалдырды”, – дейді ол.

Сондай-ақ, тамақ пен киімнен бөлек, бұл күні үйсіздерге сыйлық таратылды.