Тілін маңдайына жеткізе алатын ер адам
Непалдың Урлабари қаласында мектеп автобусының жүргізушісі тілін маңдайына жеткізе алады. Ол өзінің осындай ерекше қабілетін ресми түрде тіркегісі келеді.35 жастағы Ягья Бахадур Катувалдың сөзінше, ол әлемдегі ең ұзын тілдің иесі болып табылады, деп хабарлайды Daily Mail басылымына сілтеме жасап Stan.kz.
«Гиннестің рекордтар кітабына тілімен мұрнын толықтай жауып, маңдайын жалай алатын адам ретінде енгім келеді», – дейді ол.
Катувалдың сөзінше, оның мұндай қабілетінен балалар тұрмақ, ересектердің өзі шошиды екен.
«Балалар маған жоламайды. Кейбірі шалбарына жіберіп қояды. Тіпті, ересектердің өзі менің солай жасағанымды көріп, не айтарын білмей, сасқалақтап қалады», – дейді ер адам.
Ал Катувалдың досының айтуынша, ол мұндай трюкті аузында жалғыз тісі қалған кезде үйреніп алған екен.
Осыған қарамастан ер адам өзінің сырт келбетіне риза.
«Мен өте жақсы көрінемін деп ойлаймын. Егер мені қорқынышты фильмдерге түсуге шақырса, өзге актерлермен салыстырғанда, гримсіз-ақ адамдарды шошыта алар едім», – дейді ол.
