Роза Әлқожа балаларының әкесіне арнап ән жазды, деп хабарлайды Stan.kz ақпарат агенттігі.

Белгілі әнші өмірлік серігіне арнап, "Менің мөлдір әлемімнің патшасы" атты ән жазған. Роза Әлқожа күйеуін патшаға теңеп, жүрегінің иесіне барлық жақсылықты тілеген. Осылайша әнші отағасын қуантып, ер адамның орнын айқындап берді.

"Әр әйелдің өз патшасы бар. Ол - жаны мен жүрегінің иесі. Ол - екі дүниеде егесі. Ол - өз отбасының әміршісі. Әдетте жігіттер нәзік жандарға әннің түр түрін арнап жатады. Біз де оларды патшаға теңесек артық емес шығар?" - дейді Роза Әлқожа.

Қуанышты жаңалығымен бөліскен Роза Әлқожа бұл туындыны қазақтың қай келіншегі орындаса да жарасымды деп ашығын айтып, әнін әйелдер қауымына ұсынды. Сонымен қатар, әншіге тыңдарманы отбасылық суреттерін жинап сый жасаған.

"Менің мөлдір әлемімнің патшасы" атты жаңа әнім жарық көрді. Әр келіншек өзінің ақ патшасына арнап айтуына болады. Мына слайдты әнге шаттанған кейіпкерімнің өзі жасапты. Қабыл алыңыздар!" - дейді Роза Әлқожа.