Қазақта «кебін киген келмейді, кебенек киген келеді» деген мақал бар. Осы сөздегі кебенектің мәнін кез келген оқырман біле бермесі анық.

Белгілі ақын Әділбек Ыбырайымұлы осы кебенектің атауы мен мән-мағынасына тоқталған. Оның айтуынша, кебенек қойдың жүнінен, жұқа киізден басылып жасалады. Жауын-шашынға арналған көшпенді халықтардың сырт киімі. Тағы бір деректерде, кебенек – ешкі терісін илеп, түбіттен жұқалап басылған сулық. Кебенек пен кебін пішілуі жағынан ұқсас. Ал мәні жағынан біреуі келмес сапарға аттанған адамға арналса, екіншісі – шаруашылықта киетін киім.