Туған жердің бұлбұлы

Қазалы аудандық мәдениет және тілдерді дамыту бөлімінің қолдауымен Қ.Пірімов ауылдық клубында жезтаңдай әнші, Қазақстанның еңбек сіңірген әртісі Мәдина Ералиеваны еске алуға арналған «Сағынам» атты аудандық әншілер байқауы өткізілді.

Байқауға 16 ауылдық округтен 18 талапкер қатысты. Өз өнерімен алға шығып, бас жүлдені иемденген Басықара ауылынан қатысқан талапкер Сұлушаш Сүйінтаева болды. Бірінші орынды кәукейлік Ерболат Рахатұлы жеңіп алды. Екінші орынды Әйтеке би кенттік клубынан қатысқан Бақытжан Махшат пен Жанқожа батыр ауылынан келген Құралай Қосуақ өзара бөлісті. Үшінші орынды Қ.Пірімов ауылының өнерпазы Гүлнұр Ақбаева, Аранды ауылының талапкері Құлпыбай Жөкеев, абайлық Зәуре Қалиева иемденді.

Байқау жеңімпаздарына диплом мен бағалы сыйлықтар тарту етілді.