Жазушымен жүздесу

Аудандық мәдениет орталығында Қазақстан Жазушылар Одағының мүшесі, көрнекті жазушы, эколог, «Парасат» орденінің иегері Сайлаубай Жұбатырұлының 70 жасқа толу мерейтойына арналған «Тағдыры теңізбен тамырлас» атты оқырмандармен кездесу кеші болып өтті.

Салтанатты шараны аудан әкімінің орынбасары Ә. Жарылқағанов ашып, аудан әкімінің Алғыс хатын табыс етті. Қазақы дәстүрмен шапан жапты. Сондай-ақ жазушыға қазалылық замандастары ыстық лебіздерін білдірді. Арал теңізінің мәселесін арқау еткен «Абыржы» романымен елімізге есімі белгілі жазушы С.Жұбатырұлы Қазалы ауданының жұртшылығына өз ризашылығын білдірді. Кеш соңы аудан өнерпаздарының концерттік бағдарламасына ұласты.