Шәкендегі шырайлы кеш
Елбасы Н.Ә.Назарбаевтың «Болашаққа бағдар: рухани жаңғыру» мақаласы аясында ауданымыздан шалғай орналасқан Шәкен ауылында, аудандық мәдениет орталығы жанындағы «Жыраулар» бөлімшесінің ұйымдастыруымен, «Текті сөздің төресі – терме» жыршы-термешілер концерті өткізілді.Іс-шараның мақсаты халқымыздың салт-дәстүрін сақтап, жыршы-термешілеріміздің өнерін халыққа көрсету, келешек ұрпақтарымызға дастан, терме өнерін насихаттау болатын.
Аталмыш жиында Айдос Тұрар, Балқыз Өмірзақ, Жанболат Өмірзақ, Жәнібек Құтмаханов, Айдана Тыныбаева, Әмір Сариев, Батырхан Ұзақбаев секілді жыршы-термешілер өз өнерлерін ортаға салды. Сондай-ақ, «Сейхун» тобы «Адай», «Мереке», «Көрғұлы» атты күйлерді орындады.
Алыстан ат арылтып келген жыршы-термешілер қара домбыраның шанағынан күй таратып, көмейлерінен сүбелі сөздер төгіп, ауыл тұрғындарының көңілін сергітті.
И.АҒЛЕПЕСОВА,
аудандық мәдениет және
тілдерді дамыту бөлімінің әдіскері
