9 айда 78 медициналық ұйым лицензиясынан айырылды
Тексеру пациенттердің қауіпсіздігін қамтамасыз етуге, қызмет көрсетушілердің жауапкершілігін арттыруға бағытталған.
Тексеру нәтижелері бойынша аумақтық департаменттер заңнама талаптарын бұзған медициналық ұйымдарды лицензиясынан айыру рәсімдерін сот тәртібімен бастады.
Нәтижесінде, 78 медициналық ұйымның, оның ішінде стоматологиялық клиникалардың лицензиялары кері қайтарылды.
Бұл жұмыс пациенттердің қауіпсіздігін қамтамасыз етуге, лицензиялық талаптардың сақталуына және медициналық қызмет көрсетушілердің жауапкершілігін арттыруға бағытталған.
Басты қағидат: медициналық көмек көрсету құқығы заңнама талаптары мен қауіпсіздік стандарттарын мүлтіксіз сақтаумен қатар жүруі тиіс.
