Қызылорда облысындағы 12 тарихи нысан ЮНЕСКО-ның дүниежүзілік мәдени нысандар тізіміне енуі мүмкін

Бұл туралы өңір басшысы Қырымбек Көшербаев мәлімдеді. Қазақ хандығының алғашқы астанасы болған - Сығанақ, сондай Жанкент, Сортөбе, Жент, Шірік-Рабат қалашықтары әлемге танымал Тадж-Махал сияқты тарихи нысандардың қатарына ену үшін облыста ауқымды жұмыстар атқарылып жатыр.

Жол торабының бойында орналасқан бұл мекендер арқылы аймақ басшылығы өңірде туризмді дамытуды көздеп отыр. Ұлттың ұюына, бірліктің нығаюына сеп болатын «Рухани жаңғыру» бағдарламасы аясында өңірде былтырдың өзінде 79 жоба жүзеге асырылған. «Бұл қадамдар аймақтың одан әрі өркендеуіне үлес қосатыны сөзсіз. Мемлекет басшысының Қызылорда облысына көрсеткен қолдауының арқасында, аймақ бүгінгі күні аяғына нық тұрып, алдыңғы қатарлы облыстардың қатарына қосылды»,-деді әкім Қырымбек Көшербаев.

Бақытжан ОМАР