Қызылорда облысының білім басқармасының «Дарын» облыстық қосымша білім беру орталығы ұйымдастыруымен 2018 жылдың 12 наурызы күні Қызылорда қалалық қосымша білім беру орталығында «Мен қазақ қыздарына қайран қалам» облыстық театрланған қойылым-байқауы өткізілді.

Байқаудың негізгі мақсаты мен міндеттері: Елбасы – Қазақстан Республикасының Президенті Н.Ә.Назарбаевтың «Болашаққа бағдар: рухани жаңғыру» атты бағдарламалық мақаласын насихаттау. Сондай-ақ, оқушылардың бойына ұлттық рухани байлықты сіңіру, көнерген салтымызды қайта жаңғырту, үлкендерді құрметтеуге, кішіге ізетті болуға баулу, аталы сөзден ғибрат алуға тәрбиелеу. Қазақ елін, оның салт-дәстүрін, тілін құрметтеуге тәрбиелеу.

Қойылымда оқушылар өздерінің командаларын таныстырып, көнерген салт-дәстүрге байланысты дайындап әкелінген көріністерін көрсетті.

Қыз- нәзіктіктің, сұлулықтың көрінісі. Ару қыздарымыздың мерейлі мерекесі қарсаңында өткізілген бұл іс-шара қазақтың салт-дәстүрін дәріптеумен қатар, ұлттық құндылықтарымызды қайта жаңғыртып, бала бойына патриоттық тәрбиені қалыптастыруда титімдей үлесін тигізеді деп сенеміз.

Облысқа 9 команда 62 оқушы қатысып, 4 команда білім басқармасының І, ІІ, ІІІ дәрежелі дипломдарына ие болды.

«Қырмызы гүлдер» тобы- Қазалы ауданы, №266 мектеп-лицейі І дәрежелі диплом иеленді.