"Халық кеңесі" неге елдің жаңа саяси жүйесінде маңызды орын алады: Тоқаев жауап берді
Тоқаев “Қазақстан халық кеңесі” ел тарихындағы конституциялық деңгейдегі алғашқы диалог алаңы болатынын мәлімдеді. Бұл туралы Stan.kz ақпарат агенттігі хабарлайды.
Президенттің айтуынша, Қазақстан халық кеңесі ұлттық деңгейде ашық диалог жүргізетін маңызды алаңға айналады.
“Қоғамды алаңдататын өзекті мәселелерге дер кезінде назар аудару қажет. Бұл беделді азаматтардың пікірін міндетті түрде ескеріп, нақты нормативтік-құқықтық актілерді қабылдау арқылы мемлекеттік органдарға тиісті тапсырмалар берілуі тиіс деген сөз”, – деді мемлекет басшысы.
Тоқаевтың сөзінше, тиімді жұмыс істейтін қоғамдық институттар болған жағдайда ғана ел озық әрі әділетті мемлекет құра алады.
Президент жаңа конституциялық органның құрамына мәслихаттардың, қоғамдық кеңестердің, сараптамалық алаңдардың және азаматтық қоғам ұйымдарының өкілдері кіретінін айтты.
