Жаңа Конституция жобасы ұстаздар қауымына түсіндірілді

Бүгін Е.Бозғұлов атындағы №249 мектеп-лицейінде білім беру саласы қызметкерлерімен кездесу өтті. Кездесу барысында конституциялық реформалардың мән-маңызы, негізгі бағыттары мен қоғам дамуына ықпалы түсіндірілді.
Кездесу Қазалы ауданы бойынша білім бөлімінің басшысы Жөлекешов Әділхан Оңдасынұлының төрағалығымен ұйымдастырылды. Ол өз сөзінде жаңа Конституция жобасында адам еңбегі, білім мен ғылым, инновация мен жасампаздық ел дамуының басты қозғаушы күші ретінде айқындалғанын атап өтті. Мемлекет болашақтың берік іргесі – білімді, бәсекеге қабілетті, креативті ұрпақ екендігін ресми түрде бекітіп отырғанын жеткізіп, конституциялық өзгерістердің басым бағыттары мен маңызын кеңінен түсіндірді.
Жиын барысында 15 наурызда өтетін республикалық референдумның тарихи маңызы ерекше айтылды. Қатысушылар Конституциялық реформаны – ел дамуының жаңа кезеңіне бастайтын жауапты әрі маңызды қадам ретінде бағалады.
Білім саласының өкілдері жаңа реформалардың табысты жүзеге асуына өз үлестерін қосуға дайын екендіктерін білдіріп, 15 наурызда өтілетін референдумға белсенді қатысу қажеттігін бір ауыздан қолдады.