Қазақстанда жаңа Конституция бойынша референдум күні белгіленді
Фото: t.me/consot_kzҚазақстан президенті Қасым-Жомарт Тоқаев жаңа Конституцияны қабылдау мәселесі бойынша республикалық референдум өткізу туралы жарлыққа қол қойды. Жалпыхалықтық дауыс беру 15 наурыз күні өтеді.
10 ақпанда Конституциялық комиссия президентке жаңа Конституцияның соңғы жобасын ұсынған. Қорытынды отырыста құжатты барлық саяси партиялар қолдағаны айтылды.
Ұсынылып отырған өзгерістердің негізгі бағыттары
Жаңа Конституция жобасы билік тармақтары арасындағы өкілеттіктерді қайта бөлуді көздейді. Негізгі басымдықтар:
- Парламенттің рөлін күшейту;
- Үкімет үстінен парламенттік бақылау тетіктерін кеңейту;
- Сот жүйесінің тәуелсіздігін арттыру;
- Конституциялық бақылау институтын дамыту;
- Азаматтардың құқықтары мен бостандықтарының кепілдіктерін нақтылау және кеңейту;
- Орталықсыздандыру элементтерін енгізу – жергілікті атқарушы органдардың дербестігі мен жауапкершілігін арттыру.
Тоқаевтың айтуынша, жаңа Конституция ережелері мемлекеттің институционалдық негізін жаңарту үдерісінің аяқталғанын және мүлде жаңа конституциялық модельге өткенін білдіреді.
«Жаңа Негізгі заң жобасы тек өзекті әлеуметтік құндылықтар мен мемлекеттік саясат қағидаттарын ғана емес, Қазақстанның одан әрі прогрессивті дамуының ұзақ мерзімді негіздерін де айқындайды», – деді мемлекет басшысы.
