Елімізде ипотека шарттарын жаңаша есептеу тетігі ұсынылды
Фото: istockphoto.comЕлімізде ипотеканың процентін дифференциалды жүйемен белгілеу ұсынылды, деп хабарлайды Jambylinfo.kz atamekenbusiness телеграм арнасына сілтеме жасап.
Бұл туралы Қаржы нарығын реттеу және дамыту агенттігінің төрайымы Мадина Әбілқасымова айтты. Оның сөзінше, қазіргі жоғары процент азаматтардың қарыздық жүктемесін арттырып отыр.
Жаңа тәсіл бойынша, жоғары бастапқы жарна төлейтін азаматтарға төмен пайыздық мөлшерлеме ұсынылуы мүмкін. Ал бастапқы жарнасы аз болса — керісінше, ставка жоғары болмақ.
Сондай-ақ агенттік «Отбасы банк» арқылы жеңілдетілген ипотека бағдарламаларын кеңейтуді және жинақ жүйесін екінші деңгейлі банктерге таратуды жоспарлап отыр.
Мақсат — азаматтарға тұрақты және қауіпсіз ипотекалық шарттар жасау, қарыз жүктемесін азайту және жауапты қарыз алу мәдениетін қалыптастыру.
