Толымды тарту

Сыр шайырларының көрнекті өкілі Ерімбет алдағы Алматы, Қызылорда қалалары мен Қазалы ауданында аталып өтетін мерейтойы 175 жылдық қарсаңында Ерімбеттанушы һәм өлкетанушы журналист-қаламгар Қараша Қараманның құрастыруы әрі авторлық жобасымен «Сыр сүлейі Ерімбет» тарихи-танымдық кітабы жарық көрді.

«Шайыр сөздің дүрі», «Тозаң тұтпас тұлға» , «Дерек пен дәйек», «Жырдың кені – Ерімбет» атты төрт бөлімнен тұратын туынды бұған дейін мемлекеттік тапсырыспен баспадан шыққан «Қарасақал Ерімбет шайыр» кітабын толықтырған әрі жетілдірген. Мазмұны жағынан байытқан.

Ұстазы Балқы Базар: «Ереке, шын тұлпардың бірі едіңіз, шабытты шайыр сөзге дүр едіңіз», шәкірті Шораяқтың Омары: «Нұсқалы сөздің кестесі» деген баға алған, «Халықтың қалсын сөзім құлағында» – деп кейінгіге асыл мұрасын, назым жырын қалдырған Ерімбет шайырдың өнегесін үлгі етуді мақсат тұтқан бұл жинақ жалпы әдебиет сүйер қауымға, ақын есімін қастерлеп, қадір тұтатын жандарға арналған.