Қазақстанның батысына 40 градус ыстық келеді
Фото: istockphoto.com10, 11 және 12 шілде күндері еліміздің батысында жоғары қысым алабының әсерінен ыстық әрі шуақты ауа райы күтіледі, деп хабарлайды turkystan.kz.
Қазгидромет мәліметінше Қазақстанның қалған аумағында атмосфералық фронттардың өтуіне байланысты жаңбыр жауып, найзағай ойнайды.
10 және 11 шілдеде оңтүстік-шығыста, 11 және 12 шілдеде солтүстік пен шығыста синоптиктер қатты жаңбыр, бұршақ және екпінді жел болатынын болжайды.
Күндіз республиканың батысы мен оңтүстік-батысында өте қатты ыстық күтіледі – ауа температурасы +40...+44 градусқа дейін көтеріледі. Ыстық ауа райы Қазақстанның оңтүстігіне де оралады – мұнда +38...+43 градусқа дейін ысиды.
Солтүстік өңірлерде күндіз ауа температурасы 17-23 градусқа дейін, шығыста – 20-28 градусқа дейін, ал оңтүстік-шығыста – 25-30 градусқа дейін көтеріледі.
