Спорт – адамның дені мен жан сақтаушысы
Спорт – тек жарыс пен жеңіс ғана емес, бұл адам өмірінің маңызды бөлігі, денсаулықтың кепілі және рухани тазалықтың көзі. Спорт арқылы адам өз қабілеттерін сынап, жаңа белестерге жетіп, қоғамда өзін көрсетеді. Қазіргі таңда спорт адам өмірінде маңызды рөл атқарады, себебі ол физикалық күш-қуатты ғана емес, адамгершілік қасиеттерді де дамытуға ықпал етеді.
Спорттың негізгі маңызы – денсаулықты нығайту. Физикалық белсенділік адам ағзасына оң әсер етеді, жүрек – қан тамырлары жүйесін күшейтеді, дене бітімін қалыпты ұстауға көмектеседі. Жүйелі спортпен шұғылдану , ауруларды алдын алу мен денсаулықты сақтау жолында маңызды қадам.Онымен қатар спортпен шұғылдану дене бітімін мінсіз қалыпта ұстауға көмектеседі. Егер сізді артық салмақ мазалайтын болса, спортпен айналысқан жөн.Тек дене бітімін қалыпқа келтіріп қана қоймай, денсаулығыңызды да қалыпқа келтіріп аласыз.
Бұдан бөлек, спорт адамның психоэмоционалдық жағдайына да әсер етеді. Жарыстар мен жаттығуларда қол жеткізілген жетістіктер сенімділікті арттырады, ал жеңілістер мен сәтсіздіктер адамды сабырлылыққа, төзімділікке үйретеді.
Әрбір спортшы өз жолында түрлі қиындықтарға тап болады. Әсіресе, жоғары деңгейдегі жарыстар мен чемпионаттарда бақ сынап жүрген спортшылар күнделікті ауыр жаттығулардан, психологиялық қысым мен жарақаттардан өтеді. Бірақ осы қиындықтарды жеңу арқылы олар нағыз батырларға айналады.
Спорт – адамның өмірін жақсартуға, денсаулығын нығайтуға, рухани және физикалық тұрғыдан өсуге мүмкіндік беретін құрал. Спортты сүю, оған қатысу – бұл адамның өзіне деген құрметі мен өмірге деген жауапкершілігін арттырады. Спорт адамды өмірге деген позитивті көзқарас пен жігерге толтырады, қоғамның әр мүшесі үшін маңызды орын алады.
Айлуна ЖАҢАБЕРГЕНОВА
