Аудан әкімінің орынбасары тұрғындарды қабылдады
Фото: Ернұр Кама
Бүгін аудан әкімінің орынбасары Жалғас Сүйеубаев аудандық партия филиалына азаматтарды қабылдап, олардың мәселелерін тыңдады. Қабылдау барысында бірнеше мәселе көтерілді.
Қабылдауға келген екі тұрғын көпқабатты үйлердің шатырын жөндеу қажеттігін жеткізді. Өз кезегінде Жалғас Оңғарұлы тұрғындардың қауіпсіздігі мен жайлы өмір сүруі басты назарда екенін айтып, тиісті сала басшыларымен бірлесіп, мәселені шешу жолдарын қарастырды. Өтініш иелеріне жөндеу жұмыстарын демеушілер есебінен жүргізу мүмкіндігі қарастырылатынын атап өтті.
Кездесуде көтерілген тағы бір мәселе орталық базарда жүргізілетін құрылыс жұмыстарына қатысты болды. Бұл жөнінде жан-жақты түсіндірме жұмыстары жүргізілді.
#AMANAT
