Аудан әкімінің орынбасары тұрғындарға жеке қабылдау өткізді
Бүгін партияның аудандық филиалында аудан әкімінің орынбасары Жалғас Сүйеубаев тұрғындарды жеке мәселелері бойынша қабылдап, талап-тілектерін тыңдады. Оған бірқатар дербес бөлім басшылары, тиісті сала қызметкерлері қатысты.
Қабылдауға келген тұрғындардың негізігі мәселесі тұрғын үй тақырыбында болды. Өтініш иелерінің бірі тіркелеген кезегіне сәйкес ақпарат сұраса, ал келесі тұрғын тіркелген санатына сәйкес қашан кезегі келетінін сұрайды. Бұл бағыттағы сұрақтар бойынша Жалғас Оңғарұлы тек заң аясында кезектілік тәртібімен жүргізілетіндігін түсіндірді.
Сондай-ақ басқа да келушілердің жұмыспен қамту, түнгі жарықшамдардың ерте сөнуіне қатысты өтініштеріне сәйкес тиісті сала басшыларына тапсырмалар жүктеп, бақылауына алды.
#AMANAT
