Бүгін Бейімбет Майлиннің туғанына 130 жыл
Фото: ҚР Мәдениет және ақпарат министрлігіБүгін Бейімбет Майлиннің туғанына 130 жыл, деп хабарлайды El.kz ақпарат агенттігі.
Бейімбет Жармағамбетұлы Майлин – қазақтың көрнекті жазушысы, қазақ әдебиетін қалыптастырушылардың бірі. Ол поэзия, проза, драматургия жанрларында өнімді еңбек етіп, өз дәуірінің шындығын, қазақ елінің, әсіресе ауыл адамының санасындағы өзгерулер мен жаңаруларды, халықтың бастан кешірген қиындықтарын, әлеуметтік өмірдің шынайылығын көрсетті.
Бейімбет Майлин 1923-1937 жылдары елуге жуық кітап, жинақ жариялаған. Оның «Бейімбеттің өлеңдері», «Шұғаның белгісі», «Раушан — коммунист», «Он жылда», «Колхоз», «Асулардан асқанда» тағы басқа шығармалары сол кездегі қазақтың болмыс-бітімін, уақыт, қоғам аясындағы тіршілік-тынысын суреттеді.
Майлин қазақ әдебиетінің тарихында өшпес із қалдырды. Оның «Шұғаның белгісі» повесі, «Азамат Азаматович» романы, «Байдың қызы», «Мырқымбай» поэмалары сияқты шығармалары оқырмандар мен жазушылардың жаңа буындарын қуантып, шабыттандырып келеді. Бейімбет Майлин – тек жазушы ғана емес, әдебиеттегі әділдік, адамгершілік үшін күрестің символы болды. Оның еңбегін ұрпақтарымызға даналық болып қалғаны сөзсіз.
