Әдеби кеш өткізілді

Сарыбұлақ ауылдық кітапханасында публицистика, поэзия, проза жанрларын әдемі тоғыстырған қазақ әдебиетінің жаңашыл дара жазушысы Оралхан Бөкейдің 75 жылдығына байланысты «Әділеттің ақ сөзін ту ғып берік ұстаған» атты әдеби кеш өткізілді.

Ұлтының бағына біткен жазушының өмірі мен шығармашылығы туралы №78 мектептің әдебиет пәні мұғалімі А.Әбілдаева таныстырып өтті. Жазушының өз ортасының шындығын, туып-өскен жерінің тамаша суретін, қарапайым халқының тұрмыс-тіршілігін керемет бейнелеп жазған шығармаларын оқырмандар «Жыр мұхитының жиһанкері» атты кітап көрмесі арқылы танысты. «Апамның астауы» атты әңгімесінен кітапхана оқырмандары Е.Шертай, М.Нәби монолог оқыса, «Қайдасың, қасқа құлыным?» поэмасынан Б.Жүсіп, Б.Кәдірмахан, Б.Мәжібай үзінді оқыды. Слайд арқылы жазушы туралы естеліктер, отбасы, жастық шағы туралы бейне-сыр көрсетілді.