Байқаудың мақсаты – бала ата-анасының мамандығы туралы толық ақпарат алу, мамандыққа деген қызығушылығын арттыру. Ата-аналарының қызығы мен қиындығы мол жұмыс орындарына сапар шегіп, еңбек туралы түсініктерін қалыптастыру. Баланы еңбексүйгіштікке баулу, мамандық иелеріне құрметпен қарауға тәрбиелеу және қарым-қатынас, таңдау жасауға үйрету болды. Бұл байқау арқылы оқушыларды мамандық таңдауға бағыттап, ой-өрісін дамыту, ойлау қабілетін шыңдау, нақтылыққа бейімдеу де көзделді. Нәтижесінде шәкірттер мамандық түрлерімен танысып, өзіндік ой қорытып, ненің жақсы, ненің жаман екенін айыра алды. Тіршілік тұтқасы білім, еңбек, өнер екендігін ұғынып, ата-анаға деген құрметі мен сыйластығы арта түсті.

Байқау барысында, №16 мектеп-лицейдің 4 «Ә» сынып оқушысы Аяна Оразбай І, жетекшісі Нұрсәуле Қалеке, №95 мектептің оқушысы Айзере Данабай ІІ, жетекшісі Мөлдір Идирисова, №16 мектеп-лицейдің 2 «Б» сынып оқушысы Азиз Әділхан мен №17 мектептің 4 «А» сынып оқушысы Рамазан Жадырасын ІІІ орынға ие болды, жетекшілері Ақнұр Нұрмахан, Салтанат Кадирова.

Ал №95 мектептің 4 «Ә» сынып оқушысы Бақдәулет Берікұлы «Ең үздік әлеуметтік ролик», 3 «А» сынып оқушысы Айтуған Асылай «Көрермен көзайымы» номинациясымен марапатталды. Жетекшілері Мираш Ақбаева, Гүлмира Әріпова. №17 мектептің 3 «А» сынып оқушысы Әміржан Қазихан «Дарынды бала – дара бала», 2 «А» сынып оқушысы Айару Саматқызы «Үздік идея» номинациясын иеленді. Жетекшілері Айман Жүндібай, Тұрсынкүл Разақ.