Мамандық таңдау – ертеңді ойлау
Бүгін Қ. И. Сәтбаев атындағы №216 орта мектеп директорының бейінді оқыту жөніндегі орынбасары Әлішева Эльмираның ұйымдастыруымен "Мамандық таңдау — ертеңді ойлау" тақырыбында 10,11-сынып оқушылары мен мектепті былтыр бітірген, бұл күнде Қазақстанның әрбір аймағындағы жоғары оқу орындарында білім алып жатқан 1-курс студент жастары арасында кездесу болып өтті.Бұл кездесуде студенттер өздерінің мектеп қабырғасында жүріп, мамандық таңдаудың маңыздылығын қалай сезінгендерін, тестілеуге қалай дайындалғандарын, оқуға түскендегі қиындықтары мен қызықшылықтарын, сондай-ақ студент шақтың өзіндік ерекшеліктерін, мектептегі алаңсыз оқушылық күндерінің естеліктерін айтып, ой бөлісті.
10,11-сынып оқушылары да өз ойларын ортаға салып, студент аға-әпкелеріне көкейлерінде жүрген сұрақтарын қойып, жауап алды.
Кездесуге қатысқан шәкірттер Эльмира Әлмамбетқызы ұйымдастырған бұл шара өте қызықты әрі тартымды, мағыналы кеш болғандығын айтып тарқасты.
"ҚАЗАЛЫ" ақпарат
