Ауданда абаттандыру жұмыстары қарқынды
«Тазалық бар жерде тәртіп те бар, береке де бар», осы бір ұғымды жандарынасерік еткен қазалылықтар көктем айы басталысымен «Таза Қазақстан» республикалық экологиялық акция аясында біршама жұмыстар атқарды. Әрине оның ішінде айта кету керек абаттандыру жұмыстарына үлкен көңіл бөліп, әсіресе аудан орталығы - Әйтеке би кентінде біршама жұмыстар қолға алынды.
Бүгінгі таңда Әйтеке би кентіндегі ауданның бас қақпасы саналатын Теміржол вокзалы аумағын, вокзал жанында орналасқан Әйтеке би алаңын, Жанқожа батыр көшесінің бойынан «Руханият» скверін (аудан әкімдігі ғимараты мен Е.Бозғұлов атындағы №249 мектеп-лицей және 600 орындық Р.Бағланова атындағы аудандық мәдениет орталығы ғимаратының алды), абаттандыру жұмыстары қарқынды жүргізілуде.
Ал, Әйтеке би кентіндегі «Орталық алаң» мен «Жеңіс» саябағын Қазалы мәдени-демалыс кешеніне айналдырып, мұнда да ауқымды жұмыстарды қолға алынбақ.
#брифинг
Қазалы ауданы әкімінің баспасөз қызметі
