Бұл жолғы сенбілікте аудан орталығы - Әйтеке би кентіндегі Желтоқсан, Р.Бағланова,Төле би, Бәймішев, М.Шоқай, Қ.Ерімбет, Жетес би сынды орталық көшелер бойындағы шөптер шабылып, күл-қоқыстар тазартылды. Тазалық жұмыстарын аудан әкімі Мейрамбек Шермағанбет аралап, кенттің тазалығы бойынша жауаптыларға бірқатар тапсырмалар берді.

Сенбілікте көшелер мен саябақтардағы қоқыстар тазартылып, 28 тоннаға жуық күл-қоқыстар белгіленген орындарға шығарылды. Сондай-ақ, сенбілік жұмыстарының аясында көшелер, аллеялар мен саябақтарда ретсіз өскен шөптерде шабылып, тазартылды.