Қазалы қалалық орталық алаңда «Кітапхана жастармен бірге» атты қала жастарының қатысуымен әдеби «NON-STOP» өткізілді. «NON-STOP» ол «тоқтаусыз» деген мағынаны білдірсе, кітапханашылар жастарды тоқтаусыз кітап оқуға шақырды.

Жастарды кітап оқуға саналы түрде баулу, оқырмандардың оқу мәдениетін қалыптастыру, жастарымыздың бос уа­қыттарын пайдалы істермен айналысуға шақыру, рухани байлығын арттыру жәнеде кешкілік алаңға жиналған көпшілік қала тұрғынының демалысын мазмұнды ету мақсатында өткізілген шарада кітапхана қызметкерлері өз оқырмандарына ерекше қызмет көрсетті.

Шара барысында қатысушы жастар оқыған кітаптарының тәрбиелік мәні туралы айтып, ой бөлісті. «Қазақтың тұлғаларын тап», «Мақал сөздің мәйегі», «Бір түрлі сауалдар», «Ұшқыр ойдан – ұтымды жауап» сияқты түрлі ойын ұйым­дастырылып, белсенді оқыр­ман­дарға кітапхана ұжымының атынан сыйлықтар, тәттілер таратылды.

кітапханашы