Жиында алдымен аудандық кәсіпкерлік және өнеркәсіп бөлімінің басшысы Ақтілеу Бөріқұлақов аудандағы шағын және орта кәсіпкерлік саласының дамуы барысы жайында, ал аудандық Мансап орталығының директоры Болатбек Баймаханов шағын кәсіпкерлік субьектілерінде еңбек ететін азаматтармен еңбек шартының жасалуымен олардың құқықтарының қорғалуы жайында баяндады.

Кеңес отырысында күн тәртібінде көтерілген мәселелер талқыға салынып, кеңес мүшелері ұсыныс-пікірлерін ортаға салды. Сондай-ақ кәсіп ашамын деген тұрғындарға түрлі мемлекеттік бағдарламалар арқылы көмек көрсетіп, жан-жақты қолдау таныту керектігін жеткізді.