868 адам қаржылық сауаттылықты арттыру курсынан өтті
Апта ішінде «Қарызсыз қоғам» жобасының оқыту курсын 132 адам сәтті аяқтап, жобаның сертификат иегері атанды. Өз біліктілігін арттырған Майлыбас ауылдық округінің тұрғындарына аудандық партия филиалының Атқарушы хатшысы Нұрғиса Жалғасбаев арнайы сертификат табыстады. Осы күні Қазалы қалалық мәдениет Үйінде курсты сәтті аяқтаған тұрғындарға қала әкімі Қайрақбай Орынбасаров сертификат тапсырды.Жалпы апталық оқуға қатысушылар жобаның тиімділігі өте жоғары екенін, қаржылық бағытта білімдерін жетілдіргенін айтуда.
Айта кетейік, мамыр айында ауданымызда азаматтардың қаржылық сауаттылық деңгейін арттыруға бағытталған «Қарызсыз қоғам» жобасының оқыту курсы басталған болатын. Осы уақытқа дейін 6 апталық курс өтіп, 868 азамат сертификат иегері атанды.
#AMANAT
