Баба мерейтойы аясында семинар өтті
Жуырда Жанқожа батыр атындағы №70 орта мектепте "Азаттықтың ақ туын ұран еткен - Ер бабам" тақырыбында XIX ғасырдың 50-ші жылдарындағы Сыр бойындағы қазақтардың азаттық күресінің басшысы Жанқожа Нұрмұхамедұлының 250 жылдық мерейтойына арналған аудандық семинар өтті. Семинар барысында "Ұрпақтан ұлылыққа тағзым" залында орналасқан "Азаттықты аңсаған батыр бабам" көрмесі таныстырылды. Сонымен қатар, TEDx форматына "Зерттеу жұмысы барысында жасанды интеллектіні қолдану" іс- шарасы, "Құрмет тұтып бабасын, халқы берген бағасын" тақырыбында танымдық сағаты өткізілді.
Семинардың композициялық қойылым бөлімінде 10-сынып оқушысы Жәуміт Аяулым Жанқожа батырға арнау өлеңін оқыса, 7-сынып оқушылары "Елдің туған бағына" дастанынан үзінділерді мәнерлеп жатқа оқыды. Мектеп ұстаздары және оқушыларының қатысуымен "Жанқожа батырдың серігі Ақтан батырдың дүниеге келуі" туралы сахналық қойылым қойылды.
Пікір 1