Жанқожа батыр ауылындағы №94 орта мектепте кітапханашы Айжан Сәндібектің ұйымдастыруымен «Елін сүйген Елбасы» атты кітап көрмесі өтті. Оған 5-7 сынып оқушылары қатысты.

Тағылымды шарада кітапханашы Қазақстан Президентінің өмір жолы, туып өскен, оқып білім алған, қызмет еткен жерлері туралы оқырмандарға қысқаша мәлімет берді. Көрмеге Нұрсұлтан Назарбаевтың «Өмірбаян», «Тәуелсіздік белестері», «Ғасырлар тоғысында», «Қазақстан жолы», «Таңдамалы сөздер», «Наш президент», «Әділеттің ақ жолы» атты кітаптары оқушыларға таныстырылды.

Жанқожа батыр ауылы.