Дефектологтар заманауи білім беру ортасын талқылады
Өткен аптада әдістемелік кабинеттің іс-шаралар жоспары аясында, №165 орта мектепте “Инклюзивті білім беруді цифрландыру жағдайында заманауи әдістер арқылы дамыту “ тақырыбында әдістемелік семинар-практикум өтті.Семинар барысында «Қазына аралы» тақырыбында №226 мектеп гимназия дефектологы Садирбаева Лаура және №165 орта мектептің дефектологы Қалмырза Айым оқушымен жұмыс, “Инклюзивті білім беруде заманауи жұмыс жасаудың әдіс-тәсілдері”тақырыбында №276 орта мектеп дефектологы Төрекелді Гүлсая және №204 орта мектептің дефектологы Елубайқызы Толқынай “Үй жағдайында балаларды дамытуға арналған жаттығулар жинағы” тақырыбында мұғалім және ата-аналарға арналған заманауи әдіс-тәсілдермен бөлісті. Ал №16 мектеп-лицейдің дефектологы Тәжібай Құралай, «Funny day» тақырыбында оқушыларға арналған сыныптан тыс сағатын жүргізді.
Әр көрсетілген жұмыстан кейін қатысушылар пікір білдіріп, кері байланыс жасалды.
