Географтар оқушылардың сауаттылығын арттыру жайын талқылады
Қазалы аудандық білім бөлімінің ұйымдастыруымен М.Матаев атындағы №170 мектепте «География сабағында тиімді әдіс-тәсілдерді қолдану арқылы оқушылардың функционалдық сауаттылығын қалыптастыру» тақырыбында аудандық семинар-практикум өтті. Жиынға аудан мектептерінен 23 география пәні педагогы қатысты. Онда №17 мектептің география пәні мұғалімі Бекжанова Жақсыгүл «PISA зерттеулеріндегі жаратылыстану- ғылыми сауаттылық құзыреттіліктері» атты шебер сыныбында география пәнін оқытуда заманауи платформалардың рөлін ұлттық педагогикамен ұштастыра отырып, топтық тапсырмаларды орындатты.
№170 мектептің география пәні мұғалімі Жакей Фарида Мәлікқызы «География сабағында функционалдық сауаттылық тапсырмаларын орындатудың тиімділігі» тақырыбында жұмыс көрсету барысында функционалық сауаттылық тапсырмаларын күнделікті сабақ барсында қолдану тиімділігін көрсетсе, №266 мектеп-лицейдің география пәні мұғалімі Лекер Бақыткүл «PISA» тапсырмаларын деңгей бойынша орындатудың тиімді жақтарын баяндады. Семинарға қатысушы мұғалімдер «PISA» тапсырмаларының құрлымын түсініп, бірлесе жұмыстар орындады.
"ҚАЗАЛЫ" ақпарат
