"Қытай, Ресей және Италия қазақстандық тауарлардың негізгі нарығы саналады. Қытай Қазақстанның негізгі сауда серіктесіне айналды", - деп жазылған ведомство хабарламасында.

Қытаймен тауар айналымы 31,5 млрд долларды, Ресеймен – 26 млрд долларды, Италиямен – 16,1 млрд долларды құрады.

Жалпы, 2023 жылдың қорытындысы бойынша Қазақстанның тауар айналымы 139,8 млрд долларға жетті.

Сонымен қатар Қазақстан Азия елдеріне (Қытай, +10%), Гонконгқа (+34%), Оңтүстік Кореяға (+30%), Вьетнамға (+64%) шикізаттық емес экспортты арттырды. Қазақстан экспорты тауар айналымының үлесі 56,3%-ды құрайды.

Экспорттың жалпы көлеміндегі өңделген тауарлардың үлесі 32,1%-ды құрады. Тауар нарықтарының саны да 131 елден 135 елге өсті.